Plantun de Prouvènço

Pèr coumpara dos planto d'encò nostre

Euphorbia terracina & Stellaria media

Euphorbia terracina

Euphorbiaceae

Nom en français : Euphorbe de Terracine.

Descripcioun :
Aquesto lachusclo s'atrobo soulamen dins li relarg proche de mar ounte i'es pamens raro. Trachis dins lis ermas sablous de Camargo e de Prouvènço séusouso. Se recounèis à si longui bano sus li glando e à si boursèu lisc. La planto èi souvènt dreissado emé de fueio en lanço (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : 4 mm
Flourido : Printèms

Sòu : Si (Ca)
Autour basso e auto : 0 à 200 m
Aparado : Vo
Remarco : Planto de coustiero
Mars à mai

Liò : Sablo - Ermas - Tepiero seco
Estànci : Termoumediterran à Mesoumediterran
Couroulougi : Estenoumediterrano
Ref. sc. : Euphorbia terracina L., 1762

Mourihoun

Stellaria media

Caryophyllaceae

Àutri noum : Paparudo, Trisseto, Esteleto, Bourassou.

Noms en français : Mouron des oiseaux, Morgeline.

Descripcioun :
Erbo basso coumuno à mita couchado que fai de pichòti flour blanco que sèmblon d'estello. Li petalo soun fendasclado sus quàsi touto la loungour, li fueio soun un pau pounchudo, óupousado, aquéli d'en bas emé un pecoui au contro de li d'en aut.

Usanço :
Maugrat que caup un pau de sapounino lou mourihoun pòu rintra dins l'ensalado champanelo. Pamens vau mies lou culi quouro flouris pèr pas s'engana emé lou mouroun rouge (o blu), Anagalis arvensis, qu'èi bèn mai dangeirous (caup de ciclamino). Lou mourihoun èi vertuous contro li proublèmo de pèu e ajudo à lucha contro li mau d'os e mai encaro.